每天叩头超过千次 王菲真的要抛两女出家?(组图)

　　王菲同李亚鹏离婚，轰动全城，但更令人关心嘅系，连日来都传出笃信佛教嘅王菲想出家，讲到似层层，虽然西藏萨迦寺方面已经话系炒作，不过有关传言依然未能平息。

　　今日又有报道再次话王菲因为心淡出家，不过地点再唔系西藏萨迦寺，而系王菲一向搵开嘅印度第十七世大宝法王噶玛巴，报道话王菲今年初已经有出家念头，而大宝法王就要佢3个月内完成十万次三跪九叩，考验佢出家嘅决心。咁样计法，即系每日王菲要叩头过千次，实情系点就没人知，不过上个月王菲去西藏朝圣，确系放咗张额头瘀咗小小嘅相上微博，的确似系叩咗好多次头。

　　不过王菲有两个女，童童都未算可以自立，李嫣虽然系交俾李亚鹏照顾，不过王菲真系可以抛低两个女遁入空门?